Teatri Shqitarë ka filluar përgatitjet për shënimin dinjitoz të vitit jubilar. 75 vjetori i Institucionit tonë do të reflektojë peshën hisotrike të vijimsisë së promovimit të vlerave më të larta.

Ky jubile është rasti ideal për të mirpritur në shtëpinë e tij emrin e madh të teatrit evropian Dritëro Kasapi. Dritëro Kasapi është një nga emrat më me peshë në skenën e teatrit, i lindur e i diplomuar në Shkup, Dritëro Kasapi mbi dy dekada jeton dhe vepron në Suedi, si një nga figurat më produktive e më të spikatura të teatrit.

Aktualisht është i emëruar drejtor i Teatrit Nacional të Suedisë. Kasapi në skenën e Teatrit Shqiptar do të realizojë veprën “Të lirë” nga një emër tjetër me jehonë globale, akademikja dhe shkrimtarja shqiptare Lea Ypi, e ranguar në 10-tëshen e mendimtarëve më të mirë aktual në botë.

“Të lirë” paraqet një studim të kolapsit sistematik që vë në pikëpyetje konsensusin e përgjithshëm se tranzicioni nga komunizmi drejt pluralizmit, demokracisë dhe kapitalizmit automatikisht rezultoi me jetë më dinjitoze për qytetarin e zakonshëm. 

Cila është rëndësia e Lirisë në raport me Dinjitetin njerëzor – është tema esenciale në rrëfimin e Lea Ypit. Romani gjysmë autobiografik i përkthyer në më shumë se 30 gjuhë të botës, vjen për herë të parë i dramatizuar në skenën e Teatrit Shqiptar, i mishëruar me vizionin artistik të regjisorit Kasapi, gjithmonë i interesuar të eksplorojë raportet midis individit dhe shoqërisë.